قصيدة عن...........................................؟

[center]السلام عليكم ورحمة الله وبركاته
[b]الأفلاج [/b]

1- جيت الرياض وردني يمك الشوق
يا ديرة الألماس والتبر والعاج

2- أفز واصحي وافتح العين وافوق
لا من دعاني صوب الافلاج

3- يا دار ليلى العامرية لك حقوق
حبك تعلق بالمحاجر والاوداج

4- قولي وطولي وارفعي هامتك فوق
لا يزعجك يا دارنا هرج هراج

5- تبختري يا دارنا والبسي الطوق
وتزيني لكل زاير ونهاج

6- جيت الراض وخافقي كله حروق
جابتني الدنيا على كف محتاج

7- لا جابني وجد ولا جابني توق
راحت بي أمواج وجابتني امواج

8- يا ديرة فيها الحسن صار مخلوق
تستاهلين المجد والعز والتاج

9- انتي دوى اللي صابه هبال وطفوق
وعلاج لكي صار محتاج لعلاج

10- للناس غايات وانا غايتي فوق
نوخت غاياتي على أرض الافلاج

11- فيك الكرم تعقل له الحيل والنوق
وخطاب ودك جاوك افواج وافواج

12- وأرض سماها كلها رعود وبروق
يا جعلها للسيل درب ومنهاج

13- الموق غالي وانتي اغلى من الموق
وما ظن يلحقني مع حبك احراج

14- انتي النظر وانتي العمر وانتي الذوق
سحرك طغى من غير زينة ومكياج

15- كني إذا جيتك مطارد وملحوق
وكني إذا وادعتك مخرج اخراج

16- بين الديار وبينك فروق وفروق
محد يقول ان القمر كنه سراج

17- يا سامعي لا صرت ضايق ومزنوق
شد الرحال وهيتنا صوب الافلاج

18- تلقى المراجل هزها يمك الشوق
تلقى النشامى وضحكة عيون وحجاج[/center]